الا الحبيب

موضوع: الا الحبيب 27.04.08 15:35

الا الحبيب
الا الحبيب المصطفى ..
رمز الوفا والخير لكل العالمين
يخرس لسان العولمة ، واللملمة
والحرب بين دنيا ودين
نصحى نفوق من جهلنا
وننادي فوقوا يا مسلمين
مبقاش خلاص وقت لدموع
الشدة محتاجة الايدين
تفتح لنا طاقة نهار
ونحسها جوه العنين .
الا الحبيب المصطفى
الصبر ولى وانتهى
والجبن فارق دا الجبين
ماعدش غير قلب الجفا
مفتوح لكل المشركين
ازاي يسبوك يا نبي
وانت رمز المسلمين
النور طريقك والهدى
نهجك .برغم الحاقدين
الحرب بدات والطريق من أوله
ما تقولش قدامنا سنين
الا الحبيب المصطفى ..
باسم السلام .. خنقوا الحمام
داسوا علينا كالنعام
من غير نفس ،، من غير كلام
والسر ايه ،؟!!
ماضيين معاهدة فى السلام
باعوا فينا واشتروا
بالزور ,واكل الحق ، ما بنقبل حرام!
عيشوا حبايب في الوطن
سفاح وسيبه في ارضكم ،
يبادلكم الشوق والغرام .
والسر ايه ؟!
ماضيين معاهدة في السلام
الا الحبيب المصطفى
ياناس كفى من المهانة ما اكتفى ؟!!
مع مين بنحلم بالوفا ؟!
التعلب المكار قصاد الدار
صايدنا كلنا لو ما انتبهنا لنفسنا
نابه ظاهر ما أختفى!!
الا الهدى والنور وحب المصطفى
مبقاش خلاص الا الخلاص من ذلنا
والغيرة تجرى في دمنا
ونزود بقى عن عرضنا
كفاية ضيعنا العراق
ومضينا عهد من الفراق
ونشرنا بينا الف داء ووراها داء
والحل ؟؟
يرجع حبنا للمصطفى وننسى الرياء
ما بلاش بقى فكر التروى والغباء
من بعد سب المصطفى ، فين الحياء ؟!
دي مش سياسة حتماً ح نلعبها بذكاء
ده صون وعزة للنبي ع الارض وف جوف السماء .

ده صون وعزة للنبي ع الارض وف جوف السماء

موضوع: رد: الا الحبيب 14.10.09 6:20

» التطاول على الحبيب
» بطاقات نصره الحبيب
» لمحات من حياة الحبيب
» كيف كان الحبيب يتعامل مع بناته .
» رد: حنان الحبيب - إشتقت إلى أحبابى الدكتور / حازم شومان